大炒車

今日有一件大新聞，一位著名的法國棟篤笑／喜劇演員X先生發生車禍。

消失一傳出，演藝界人士紛紛在social media貼文祝他早日康復，豈知不久後就有報道指出，原來X先生毒後駕駛，撞到另一輛私家車，車內有一家大細還有一名孕婦，胎兒當場死亡，其他人全部重傷昏迷。

X先生由受害者變成加害者，甚至可能會被判誤殺，一眾跟車太貼的明星大感尷尬，紛紛轉軚刪除貼文。我對X先生不太熟悉，只記得在電視台做節目時，他曾經做過嘉賓。當時他對節目總監說，如果要他做嘉賓，就要開除某位與他有過節的女新人。娛樂圈很現實，節目總監不想得罪X先生，只好叫那位女新人暫時「消失」一集。雖然X先生的拍攝表現十分專業，但為人不太友善，頗具煞氣。而且他不時傳出負面新聞，吸毒、玩𡃁仔等行徑，行內人早有所聞，再加上今次的事件，不禁令人慨嘆，「有風唔好駛盡𢃇」。